Kryeministri i Kosovës, Albin Kurti ka bërë një vizitë ditën e sotme në Termocentralin “Kosova B” në Obiliq.
Këtë vizitë Kurti e bëri i shoqëruar nga ministrja e Ekonomisë, Artane Rizvanolli. Lajmin e ka bërë të ditur Zyra e Kryeministrit, përmes një njoftimi drejtuar mediave.
“Kryeministri i Republikës së Kosovës, Albin Kurti, viziton Termocentralin “Kosova B” dhe Termocentralin “Kosova A””, thuhet në njoftimin e Zyrës së Kryeministrit.
Në axhendë është parashikuar që pas përfundimit të kësaj vizite, Kurti do të shkojë edhe në Termocentralin “Kosova A”, po në Obiliq.
Ndërkohë, Koorporata Energjitike e Kosovës ka njoftuar sot se është lëshuar në punë njësia B1 e Termocentralit Kosova B dhe si rrjedhojë, Termokosi ka filluar të furnizohet me avull për ngrohje qendrore të qytetit të Prishtinës. Po ashtu, kaldajat e “Termokosit” në kryeqytet sot janë furnizuar me mazut, pas kërkesës urgjente të kryetarit të Prishtinës, Përparim Rama.
Discussion about this post