Qytetarët e Kosovës janë ngritur në protestë ditën e sotme, pas propozimit për shtrenjtim të tarifave të energjisë elektrike nga Zyra për Energji në Kosovë. Mediet e Kosovës raportojnë se protestuesit që dolën sot për të kundërshtuar propozimin e ZRrE-së kanë hedhur në mënyrë simbolike llamba dhe qirinj në drejtim të ndërtesës së Qeverisë së Kosovës.
Ky ishte një aktivitet simbolik, siç e quajti kryetari i PSD-së, Dardan Molliqaj, për të kundërshtuar kështu shtrenjtimin e energjisë elektrike. “Propozimi i ZRrE-së duhet të hidhet poshtë. Ai propozim nuk ka me kalu, sa të ka qytetarë aktiv. Nuk do të lejojmë që të kaloj. Ne nuk ndalemi, ju duhet të ndaleni ju duhet ta ktheni atë vendim mbrapa. Derisa ju nuk do të ndaleni ne do të jemi edhe më të guximshëm edhe më të fuqishëm. I ftojë qytetarët që në mënyrë simbolike që t’i japim llamba e qirinj kësaj Qeverie që po na jep terr në vend të dritës”, tha Molliqaj.
Discussion about this post