Në fjalën e tij në Kongresin e Partisë Socialiste, kryeministri Edi Rama tha se sot familjet e pasura në vendin tonë, që sipas tij janë 5% e popullsisë, që konsumojnë 25% të energjisë elektrike, do ta paguajnë me një tjetër çmim, natyrisht më të lartë. Rama gjithashtu tha se 5% e konsumatorëve që konsumojnë 25% të energjisë nuk mund e nuk do vazhdojnë t’i mbajmë me të njëjtën përkujdesje siç bëjmë për pensionistët.
“Askush nuk di sa kohë akoma duhet të përballemi më këtë çmenduri në çmimin e energjisë elektrike. Ndaj dhe së paku jo se do na zgjidhë problemin, por kemi nevojë më shumë se asnjë herë sot, sensit të shpërndarjes së barrës dhe marrjes përsipër të peshave nga kjo peshë sipas mundësive ne së shpejti do vendosim një çmim tjetër për të gjithë ata që konsumojnë energji elektrike shumë më tepër se masa e gjerë e popullit se janë më të pasur. Nuk ka asgjë më normale e të natyrshme sa të shkojmë kundër rrymës të vetë sistemit për të mos lejuar që pensionistët tanë të kenë një dhimbje koke te shtuar për shkak të faturës së energjisë. 5% e konsumatorëve që konsumojnë 25% të energjisë nuk mund e nuk do vazhdojnë ti mbajmë me të njëjtën përkujdesje siç bëjmë për pensionistët” – tha Rama.
Discussion about this post