Deputeti i PD-së, Ervin Salianji, nga Korça ka paralajmëruar sot protesta nëse qeveria rrit çmimin e energjisë elektrike. Përmes një deklarate, publike ai tha se plani me 7 pika i paraqitur nga PD, është zgjidhja e duhur që qytetarët të mund të përballojnë jetesën.
Sakaq, ai u shpreh i bindur se PD do të jetë në krah të qytetarët për të rezistuar në çfarë dallojë forme qoftë edhe me protestë. “Energjia elektrike edhe sot e kësaj dite është pothuajse e papërballueshme për një pjesë të madhe të qytetarëve shumë qytetarë siç kemi treguar familjet e tyre janë pa energji ju është prerë për shkak të mospagimit të faturave pavarësisht se kanë vetëm dy llamba dhe asnjë pajisje tjetër ndërkohë që qeveria edhe në program ka premtuar që do të ulte çmimin energjisë.
Gjithçka po shkon për keq për qytetarët por për qeverinë po i shkojnë gjërat për dreq dhe ne do të bëjmë gjithçka për të qenë pranë tyre në çdo formë rezistence. Plani prej 7 pikash që ka përgatitur partia demokratike dhe kryetari i saj ne mendojmë që është zgjidhja e duhur për të bërë të mundur të paktën përballimin e jetesës në kushte minimale dhe të mbijetesës në fakt të shumicës së qytetarëve shqiptarë”, tha Salianji.
Nga ana tjetër edhe ish-kryeministri Sali Berisha ka “kërcënuar” dje kryeministrin që të mos e ndërmarrë atë hap, në të kundërt do të përballet me pasoja.
