Sytë e gjithë botës janë kthyer drejt COP26, ku liderët botërorë po të mblidhen së bashku për të diskutuar përgjigjen globale ndaj krizës klimatike. Më shumë se 190 vende janë mbledhur në Glasgoë Skoci, për Konferencën e OKB-së për Ndryshimet Klimatike.
Si pjesë e Marrëveshjes së Parisit , vendet kanë rënë dakord të përpiqen të kufizojnë ngrohjen globale në 2 C, idealisht në 1.5 C, për të frenuar shkatërrimin e klimës dhe të paraqesin planet e tyre të veprimit se si do ta arrijë këtë secili.
Në ditën e gjashtë në foksu janë natyra dhe përdorimi apo shfrytëzimi i tokës, me ngjarjen kryesore në mëngjes që synon fenomenin e shpyllëzimit. Pasdite, qeveritë, politikëbërësit dhe fermerët do të eksplorojnë bujqësi “të qëndrueshme”. Qëndrueshmëria nënkupton plotësimin e nevojave tona pa kompromentuar aftësinë e brezave të ardhshëm për të përmbushur nevojat e tyre. Do të prezantohen gjithashtu iniciativa nga ushqimi, financat dhe bankat, si dhe sektorët e inovacionit global për të mbrojtur natyrën.
Aktivistja Greta Thunberg do të flasë me dhjetëra mijëra aktivistë që do të marrin pjesë gjithashtu në tubimin e Ditës Globale të Koalicionit për Drejtësinë Klimatike. Demonstruesit, duke bërë thirrje që qeveritë të angazhohen për të ulur emetimet, do të marshojnë nga Kelvingrove Park në Glasgoë Green. Demonstratat do të zhvillohen gjithashtu në Londër dhe qytete të tjera anembanë botës.
Samiti do të marrë një ditë pushimi ditën e dielë.
Discussion about this post