Çdo vit e më shumë është reduktuar numri i kontribuuesve në skemën e pensioneve, kjo ka bërë që të thellohet deficiti në këtë skemë dhe të reduktohen mundësit për të paguar personat e dalë në pension. Për këtë arsye, ka bërë disa ndryshime ligjore, në mënyrë që qytetarët të sigurohen privatisht.
Pak ditë më parë Ministria e Financave ka hedhur për konsultim publik draftligjin ri “Për fondet e pensionit privat”, në të cilin propozohen dy forma të reja për sigurimin. Konkretisht do të bëhet sigurimi me pjesëmarrje të hapur dhe të mbyllur.
Projektligji parashikon që një individ mund të sigurojë veten në skemat private të pensioneve deri në maksimumi 30 mijë lekë në muaj dhe për këtë shumë, ai të mos tatohet. Kjo shumë, deri më tani, ka qenë 20 mijë lekë, por kriza e kontributeve ka detyruar qeverinë ta rrisë pragun. Në dokument sqarohet se, nëpërmjet këtyre ndryshimeve ligjore synohet zgjerimi i tregut të pensioneve private, si dhe të qartësojë disa aspekte që lidhen me menaxhimin e këtyre fondeve.
Discussion about this post