Situata mes Rusisë dhe Ukrainës ditët e fundit është kthyer në një shqetësim botëror për të parë vijueshmërinë e ngjarjeve. Në kuadër të kësaj situate dhe komunikimeve të deri tanishme marrëdhëniet mes Rusisë dhe SHBA-së duket sikur dy vendet kanë luajtur lojën “macja dhe miu” për orët e fundit, me rezultatin që është një faktor vendimtar në shkallën e pavarësisë së Ukrainës.
Vlen të theksohet fakti nëse Ukraina do të arrije të mbajë të paprekur territorin e saj ose do ta pësojë si në 2014 ku humbi Krimenë dhe në këtë situatë mund ti krijohet një tkurrje e re për territoret e saj. Lëvizja e palës ruse për të de-përshkallëzuar vendimin e Kremlinit për të tërhequr disa nga trupat e saj nga rrethet e saj ushtarake jugore dhe perëndimore pranë kufirit me Ukrainën duket se po lehtëson përpjekjet diplomatike.
Nga ana tjetër, Perëndimi u pranua me shumë kujdes, ku shërbimet sekrete amerikane këmbëngulnin se rreziku i një pushtimi rus të Ukrainës gjatë ditës ekziston ende. Këtu përfshihet edhe referenca që i është bërë mbrëmë presidentit amerikan Joe Biden në një fjalim drejtuar popullit amerikan, duke theksuar se
Shtetet e Bashkuara janë të gatshme për çdo gjë, për çdo skenar apo zhvillim mes Ukrainës dhe Rusisë. Nga ana tjetër, vetë presidenti rus Vladimir Putin , në dejkaratën e tij është përpjekur që të heqë përshtypjen për një ndërhyrje të menjëhershme ruse në Ukrainë.
Discussion about this post