Kriza e madhe ku ndodhet Angli prej mungesës së karburantit është kthyer në problem serioz. Qytetarët duhet të presin me orë të tëra që të furnizojnë makinat e tyre dhe duket se as personazhet VIP nuk përjashtohen.
Së fundi dy nga makinat e yllit të Manchester Ubnited, Cristiano Ronaldos, të drejtuara nga shoferët e tij janë parë të presin për plot shtatë orë që të furnizoheshin më karburant. Ndërsa sipas raportimeve të medieve britanike mësohet se kjo pritje ka qenë e kotë, pasi karburanti kishte mbaruar.
Duket se kjo situatë është kthyer shumë serioze për Britaninë e Madhe dhe ende nuk dihet se kur mund të zgjidhet. Ndërkohë duket se transferimi i portugezit në Manchester e ka shoqëruar me disa ndodhi negative, pasi para pak ditësh ai u detyrua të ndryshonte vilën për shkak se delet e komshiut nuk e lejonin të flinte i qetë./K.T/Gijotijna.com
