Është mbyllur në barazim pa gola pjesa e parë mes Kroacisë dhe Brazilit, takim i vlefshëm për çerekfinalet e Kupës së Botës.
45 minutat e para i panë më shumë skuadrat të luftonin në mesfushë duke iu ruajtur njëra-tjetrës. Në minutat e para Brazili kishte kontrollin e lojë, por aksionet nga krahët prodhuan pak lëvizje të rrezikshme.
Goditja e parë vjen në minutën e 21-të me Neymar. Vinicius tenton portën me një aksion në qendër, por topi ndalet nga një mbrojtës. Pastaj është Nejmar i cili provon të zgjidhë gjithçka individualisht, por Livakoviç është në pozicion.
Në fundin e pjesës së parë, Neymar rrezikon por gjen sërish në pozicion Livakoviç. Goditje dënimi direkte nga e majta, sulmuesi i PSG tenton të befasojë Livakoviç por ky i fundit kontrollon topin edhe pas një devijimi në mur.
Discussion about this post