Presidenti i Kroacisë, Zoran Milanovic ka siguruar një mandat të dytë si president – me një avantazh të dukshëm në balotazh, sipas komisionit zgjedhor.
Sipas rezultateve paraprake, Milanovic, një socialdemokrat, ka fituar 75% të votave, ndërsa rivali i tij, Dragan Primorac, ka marrë 25% të votave.
Milanovic kryesoi në raundin e parë të zgjedhjeve presidenciale më 29 dhjetor të vitit të kaluar, duke fituar 49% të votave në atë raund.
Nëse do të kishte arritur të merrte mbi 50%, do ta kishte fituar garën atëherë.
Primorac, i mbështetur nga partia konservatore në pushtet HDZ, mori më pak se 20% të votave.
Nga viti 2011 deri në vitin 2016, Milanović shërbeu gjithashtu si kryeministër i Kroacisë, anëtare e Bashkimit Evropian që nga viti 2013.
Gjatë pesë viteve të tij në detyrë, platforma e Milanovic pati ndikim jo vetëm te votuesit e tij të majtë, por edhe te votuesit e krahut të djathtë dhe të ekstremit të djathtë në vendin ballkanik me 3,8 milionë banorë.
Begaj uron homologun kroat Milanović për fitoren e mandatit të dytë
Presidenti i Republikës, Bajram Begaj, uroi sot Presidentin e Republikës së Kroacisë, Zoran Milanović, për fitoren e mandatit të dytë në krye të shtetit pas zgjedhjeve presidenciale në balotazhin e së dielës.
“Urimet më të përzemërta për mikun tim, Zoran Milanović, në rizgjedhjen si President i Kroacisë. Shohim përpara për të vazhduar forcimin e partneritetit tonë”, shkruan Presidenti Begaj në mesazhin e urimit në profilin e tij zyrtar në platformën X drejtuar homologut kroat.
Discussion about this post