Malet e Krujës janë mbuluar nga dëbora në orët e para të mëngjesit të sotëm. Trashësia e dëborës ka shkuar deri në 15 cm.
Aktualisht rruga për në Qafë-Shtamë është e kalueshme vetëm me zinxhirë. Shumë fshatra janë pa energji elektrike si pasojë e dëmtimit ë linjave furnizuese.
Shqipëria ka hyrë në ditën e katërt që është pushtuar nga moti i keq. Reshjet e dendura të dëborës në zonat malore të Dibrës gjatë orëve të para të mëngjesit kanë bllokuar rrugën e Arbrit.
Më konkretisht bypass-i Qafë Murrizë është i pakalueshëm dhe Policia e Shtetit u ka bërë thirrje që drejtuesin e mjeteve të ndjekin aksin e vjetër rrugor, Klos-Burrel-Ulëz.
Shkodra dhe Lezha vijojnë të jetë të përmbytura. Gjatë natës, sipërfaqja e tokës së mbuluar nga uji i ka kaluar 1000 ha. Durrësi, Elbasani, Vlora e Fieri kanë probleme në rrugët kryesore të qytetit pasi janë mbushur me ujë. Tirana po ashtu. Fshatrat janë pa energji elektrike.
Discussion about this post