Një aksident është regjistruar pak minuta më parë në fshatin Kameras të Krujës. Policia njofton se një mjet ende i pa identifikuar, ka përplasur këmbësorin B. L., e më pas, është larguar nga vendngjarja.
I plagosuri ndodhet në spital nën kujdesin e mjekëve, ndërsa grupi hetimor po punon për zbardhjen e rrethanave të aksidentin si dhe identifikimin dhe kapjen e drejtuesit të makinës.
Njoftimi i policisë:
Krujë/Informacion paraprak
Më datë 06.08.2021, në orën 20:40, në Kameras, Fushë Krujë, një mjet ende i paidentifikuar ka aksidentuar këmbësorin shtetasin B. L., rreth 68 vjeç dhe është larguar nga vendngjarja. Shtetasi B. L., ndodhet në spital nën kujdesin me mjekëve.
Grupi hetimor po punon për zbardhjen e rrethanave të aksidentit, identifikimin dhe kapjen e drejtuesit të mjetit.
