Kryeministri Edi Rama u pyet nga gazetarët nëse ka ndërmend të kërkojë familje për ndonjë nga skandalet që i ka plasur qeverisë që drejton në këto vite, përfshirë arrestime të ish-ministrave apo kryebashkiakëve.
Si gjithmonë, Rama hoqi fajin nga vetja, duke thënë se nuk ka pse të kërkojë falje për veprime të drejtësisë, e madje ndihet krenar që ajo po vepron.
Kryeministri tha se ai ka kërkuar ndjesë për publikimin e të dhënave personale në rrjet, dhe për këtë qeveria është duke marrë të gjitha masat.
“E para e punës njëherë, ato që i konsideroni arsye për t’iu thënë unë “po është faji im”, për mua është arsye për të thënë “po, përpjekjet tona po funksionojnë”. Pse e kemi bërë ne Reformën në Drejtësi? Unë nuk po hyj këtu në raste personale, çështja ime është që t’iu them se unë jam krenar që drejtësia po vepron, dhe po, përgjegjësia është individuale. Një person që merr një detyrë zgjidhet për njëmijë e një arsye. Nuk është baza e të dhënave të PS-së ajo që është shpërndarë, nuk kemi ne numra kartash identiteti në regjistrin e të dhënave, nuk kemi, pikë! Pse të dal dhe të them unë më falni, se është faji im? Më ndihmoni ju nëse më gjeni një rast, unë nuk di ndonjë vend demokratik dhe me standarde, më thoni ku ka ndodhur që për nxjerrjen e të dhënave, ti drejtohet gishti i akuzës kryetarit të qeverisë”, tha Rama.
Discussion about this post