Këshilli Bashkiak i Klosit është mbledhur për të diskutuar projektin e propozuar nga PS për ndarjen e re territoriale që parashikon shkrirjen e Bashkisë Klos dhe bashkimi me Bashkinë Mat.
Në mbledhje mori pjesë edhe kryetarja e Bashkisë Klos, Valbona Kola, e zgjedhur nga radhët e Partisë Socialiste, e cila deklaroi se përpara çdo vendimmarrjeje do të zhvillohen dëgjesa publike në të gjitha fshatrat e bashkisë.
Ajo theksoi se qëndrimi i saj do të jetë në përputhje me vullnetin e banorëve të Klosit.
“Unë, si e zgjedhur, do të jem me mendimin e qytetarëve. Nëse ata kundërshtojnë bashkimin me Matin, jam me ta”, deklaroi kryebashkiakja.
Discussion about this post