Eriselda Sefa, kryetarja e Bashkisë së Lushnjes, është paraqitur në SPAK këtë të mërkurë.
Kryebashkiakja po merret në pyetje nga prokurorët e Posaçëm teksa ende nuk dihet çështja për të cilën po pyetet Sefa.
Kryetarja e bashkisë Lushnje, Eriselda Sefa është paditur në SPAK nga një shkollë private në mars të vitit të kaluar.
Devis Leshi, aksioner i një shkolle private në Lushnje, pretendon se bashkia po tentonte t’i rrëmbente disa dhjetëra metra katror tokë përmes rikonstruksionit të rrugës “Vath Korreshi”. Sipas Leshit, Bashkia Lushnje po tentonte që t’i futej padrejtësisht në oborrin e shkollës, pasi gjurma origjinale e projektit prekte pronën e një zyrtareje të bashkisë. Ndër të tjera në denocimin e tij, ai shprehej se kryebashkiakja e Lushnjes e kishte kërcënuar.
Tenderat e dyshimtë të bashkisë së drejtuar nga Sefa kanë qenë qenë shpesh në qendër të raportimeve mediatike dhe gjithashtu mund të përbëjnë arsye për thirrjen në SPAK të kryebashkiakes.
Discussion about this post