Në një takim elektoral në Fier, kreu i Partisë së Lirisë Ilir Meta u ndal te video-skandali i kryebashkiakes së Roskovecit, Majlinda Bufi që u publikua mbrëmjen e djeshme nga emisioni “Piranja”, ku pranonte me zë dhe figurë se kishte kërcënuar një pastruese për ta larguar nga puna.
Referuar këtij rasti, Meta tha se Majlinda Bufi përfaqëson fytyrën e vërtetë të Rilindjes, qeverisë dhe kryeministrit Rama.
Ai ka shtuar gjithashtu se kryeministri i përdor pushtetarët vendorë dhe në momentin që i dalin nga kontrolli, i dërgon në SPKA apo u nis procese hetimore.
“Sa më pak ulur, e sa më pak me njëri tjetrin. Sa më shumë me të lëkundurit dhe me ata që nuk mbyllin dot muajin por që nisin kërkojnë borxh që në ditën e 10 të muajit e po i mbysin me taksa e diversione e presione.
Jemi habitur besoj me aktet e rënda të publikuara për kryebashkiaken e Reskovecit. Ajo është fytyra e vërtetë e Rilindjes, nuk ka asnjë qytetare e njerëzore, është fytyra e atyre që u thonë me kë duhet ose jo të pini kafe, ku kontrollojnë çdo emërim deri tek emërimi i sanitares, kanosin qytetarët që dihet që do votojnë kundër.
Kam një pyetje për qytetarët: Mund të vijohet kështu? Është një turp i madh, ajo është fytyra e Rilindjes e Ramës”, tha Meta.
Ndër të tjera, ai deklaroi se në 61 posterat e shpërndara nga selia rozë në bashkitë e vendit, është vendosur vetëm fytyra e Edi Ramës, pasi vetë shefi i qeverisë i konsideron “gomerë” të zgjedhurit e tij për të përfaqësuar qytetet.
Discussion about this post