Acari dimëror në vend ka hapur dhjetëra probleme që prej fillimit të sezonit. Reshjet e dendura të borës kanë lënë pa energji dhjetëra fshatra në qarqet e vendit, e dhjetëra të tjerë që i përkasin zonave të thella malore, kanë ngelur në mëshirë të fatit, ku kushtet për të përballuar të ftohtin dimëror janë zero. Nga ana tjetër, gjatë kësaj kohe, bashkitë shfrytëzojnë rastin të hedhin tenderë pa garë, duke shpenzuar miliona lekë nga buxheti i shtetit. Mungesa e investimit ka sjellë rrugë e toka të shkatërruara nga pushteti i reshjeve të dendura të shiut dhe dëborës.
Bashkitë kanë rritur detyrimet e prapambetura gjatë këtij viti duke u justifikuar se nuk kanë të ardhura t’i shlyejnë ato. Sipas raportimit nga gijotina.com shumë prej tyre nuk kanë bërë as investimet që kishin planifikuar për shkak se nuk kanë fonde, por kur vjen fjala për tenderë dhe shpenzime abuzive paratë derdhen nga thesi.
Këtë herë Bashkia e Elbasanit do të shpenzojë 11,664,782 (njëmbëdhjetëmilion e gjashtëqind e gjashtëdhjetë e katërmijë e shtatëqind e tetëdhjetë e dy) lekë pa t.v.sh.
Tenderi i hapur nëpërmjet “Bashkisë Elbasan”, për shpenzimet e prerjes dhe transportit të druve të zjarrit mban numrin e referencës REF-11958-11-17-2021 dhe ka fond limit prej 11,664,782 të reja ose rreth 170 milionë lekë të vjetra. Kreu i Bashkisë Elbasan, Gledian Llatja ka lëshuar këtë tender pa garë me një kompani të privilegjuar. Për këtë, kjo procedurë ka marrë flamur të kuq nga “Open Data
Discussion about this post