Kryetari i Partisë Demokratike, Lulzim Basha, priti në takim një ekip të Fondacionit Eduardo Frei të partisë simotër KristianDemokrate Holandeze CDA. Në fokus të takimit ishte rritja e bashkëpunimit dhe asistenca ndaj Partisë Demokratike me qëllim forcimin e aksionit të saj opozitar. Kryetari Basha vuri në dukje se bashkëpunimi i drejtpërdrejtë dhe i hapur i politikës me krimin ka goditur rëndë standardet e sigurisë dhe demokracisë, e në vecanti votën e lirë, siç ndodhi ne zgjedhjet e 25 qershorit – ka theksuar ai – përmes presionit dhe blerjes se votës me paratë e drogës. Basha tha se garantimi i zgjedhjeve e lira janë rruga e vetme e daljes nga kriza, ndaj dhe PD do bëjë çdo përpjekje që të rikthejë votën e lirë, njoftoi zyra e shtypit e selisë blu. Bashkëbisëeduesit holandezë shprehën gatishmërinë për të ndihmuar PD-në në kursin e reformimit dhe modernizimit të saj dhe në sfidat e përballjes me korrupsionin, krimin e organizuar, si dhe garantimin e zgjedhjeve të lira dhe të ndershme.
