Kryediplomati i BE flet për triumfin në Botëror: Vajzat treguan se…

Në Spanjë vazhdon të festohet fitorja e skuadrës kombëtare të futbollit për femra në Botërorin 2023, të zhvilluar në Australi.

Goli i Olga Morenos, ylli i ndeshjes ndaj Anglisë, ka hyrë plotësisht në faqet e arta të historisë së futbollit spanjol dhe tashmë është ylli i dytë për Spanjën në Botërorë, pas Botërorit të ekipit të meshkujve në vitin 2010.

Për për këtë arsye, edhe institucionet politike kanë festuar fitoren dhe kanë pasur disa fjalë lajkash e lëvdatash për vajzat e trajnuara nga Jorge Vilda.

Njëri prej tyre ishte edhe Josep Borrell, përfaqësuesi i lartë i Bashkimit Evropian për Politikën e Jashtme, por deklaratat e tij nuk tingëlluan mirë, sidomos në rrjetet sociale dhe atij iu desh t’i cilësonte fjalët e tij.

Politikani Josep Borrell, në një intervistë në një program të televizionit publik spanjoll, ka festuar trofeun e fituar nga kombëtarja e femrave dhe ka theksuar se femrat “po mësojnë të luajnë po aq mirë sa meshkujt”.

Këto deklarata ngritën disa polemika në rrjete dhe, më vonë, Borrell zbuloi se tani “është koha e grave” dhe është një tjetër hap “drejt barazisë së plotë”.

Nga ana tjetër, përfaqësuesi i lartë e krahasoi golin e Olga Morenos, me atë të shënuar nga Andrés Iniesta në finalen e Kupës së Botës 2010 në Afrikën e Jugut kundër Holandës, që ishte Botërori i parë në historinë e Spanjës.

“Tani janë femrat tona që po mësojnë të luajnë futboll po aq sa meshkujt dhe kjo në vetvete tashmë është një lajm i mirë”, theksoi ai. Megjithatë, Josep Borrell ka shfrytëzuar rrjetet e tij sociale për të sqaruar fjalët e tij: “Fitorja e lojtarëve të kombëtares spanjole në Botëror tregon se është koha për femrat.

Kampionet tona kanë bërë një hap tjetër përpara drejt barazisë së plotë dhe për këtë arsye kjo fitore më bën dyfish krenar”,- ka shkruar euro-parlamentari Josep Borrell.

🤦‍♂️"Ahora son nuestras mujeres que están aprendiendo a jugar al fútbol tan bien como los hombres y eso en sí mismo ya es una buena noticia"

Las palabras son de Josep Borrell, Alto Representante de la UE para Política Exterior, en @LaHoraTVE pic.twitter.com/0YEFAA7Euz

— Teledeporte (@teledeporte) August 23, 2023