“Arrest me burg” është masa që Gjykata e Sarandës ka caktuar për kryekomisarin e policisë, Petraq Rakon dhe bashkëpunëtorin e tij, Stefan Koloi, deri në përfundim të hetimeve. Dy të arrestuarit akuzohen se kanë kryer marrëdhënie seksuale me një të mitur 13-vjeçare.Ata akuzohen për “shfrytëzim prostitucioni”, “marrëdhënie seksuale ose homoseksuale me të mitur”, “prostitucion” dhe “mbajtje e lokaleve për prostitucion”.
Hetimet për këtë çështje po vijojnë ende, pasi dyshohen se ka dhe persona të tjerë të përfshirë në abuzimin e të miturës. Ndonëse kryekomisari është arrestuar në flagrancë, sërish do të kryhen disa ek ekspertiza mjekësore e shkencore për të plotësuar elemente të hetimeve qe kryhen për këtë çështje.
Familjarët e vajzës janë shprehur se ishin në dijeni që vajza punonte pastruese në Xarrë nga ora 16:oo deri në 22:00.
Nga ana tjetër, punonjës të shërbimit social dhe policisë kanë mbajtur më parë një raport ku shkruhej se vajza vishej me rroba luksoze, mbante Iphone 12, kryente make up dhe kishte marrë banesë me qira në Sarandë.
HETIMI
Policia sqaroi se arrestimi i tyre ka ardhur pas një hetimi njëmujor nën drejtimin e Prokurorisë së Rrethit Gjyqësor Sarandë, ku u bë e mundur kapja dhe arrestimi në flagrancë i këtyre shtetasve. Policia thotë se Stefani Koloi ka shfrytëzuar për qëllime përfitimi shtetasen e mitur L. H., 13 vjeçe, duke përshtatur një ambient (lokal) për shfrytëzimin e prostitucionit të kësaj shtetaseje në fshatin Xarrë të Bashkisë së Konispolit.
“Punonjësi i Policisë P. R. është arrestuar në kushtet e flagrancës, pasi ka kryer marrëdhënie seksuale me shtetasen e mitur në ambientet e përshtatura nga shtetasi S. K.”, sqaroi Policia. Në cilësinë e provës materiale janë sekuestruar 2 automjete; 4 aparate celularë; një sasi vlere monetare e dyshuar si e përfituar nga veprimtaria kriminale. Gjithashtu është vendosur sekuestro konservative ndaj ambienteve të përshtatura për ushtrimin e kësaj veprimtarie të kundërligjshme.
Discussion about this post