Kryekomisari i Gjirokastrës Agim Fejzo i është caktuar masa ‘arrest në shtëpi’. Agjencia e Mbikëqyrjes Policore (Rajoni Vlorë – Gjirokastër) ka ekzekutuar masën e sigurisë “Arrest në shtëpi” për punonjësin e policisë, Kryekomisar A.F., me detyrë Shef i Sektorit të Shërbimeve Operacionale në DVP Gjirokastër, i dyshuar për veprën penale “Shpërdorim detyre”
Nga hetimet intensive disa mujore nën drejtimin e Prokurorisë pranë Gjykatës së Shkallës së Parë të Juridiskionit të Përgjithshëm Gjirokastër, në bashkëpunim me Drejtorinë për Hetimin e Narkotikëve dhe Trafiqeve dhe Drejtorinë e Forcës së Posaçme Operacionale, në Departamentin e Policisë Kriminale, u siguruan prova se punonjësi i policisë ka bashkëpunuar me një grup kriminal që ushtronte veprimtaritë kriminale të falsifikimit të dokumenteve dhe të dhënies ndihmë për kalim të paligjshëm të kufirit.
Në citin 2017, ndaj Kryekomisar Agim Fejzo, me detyrë Shef i Sektorit për Hetimin e Trafiqeve dhe Narkotikët, në DVP Gjirokastër, filloi procedimi disiplinor për shkelje të Rregullores së Policisë së Shtetit. Kjo ndodhi më 9 prill 2017, një ditë pasi në një ish-depo të shtetit në Përmet u zbuluan rreth 12 ton drogë. Drejtori i Përgjithshëm i Policisë së Shtetit, Haki Çako ka shkarkuar 2 policë, përjashtuar nga radhët e policisë një tjetër.
Ndërkohë që kishte nisur hetimi disiplinor ndaj tre drejtuesve të Policisë së Gjirokastrës dhe Përmetit. Po kështu hetim disiplinor edhe për drejtorin e Policisë së Gjirokastrës, Aranit Arapi.
Por ç’ndodhi më vonë? Me largimin nga detyra të Haki Çakos të gjithë këta persona u rritën në poste dhe vazhduan bashkëpunimin me grupet kriminale.
gijotina.com/
Discussion about this post