Kryetarja e LSI, Monika Kryemadhi, ka folur sot gjatë në interviste televizive ëidhur me zgjedhjet e vitit 2011, ku Lulzim Basha u zgjodh kryebashkiak. Kryemadhi tha se kjo ndodhi pas insistimit të Metës dhe LSI-së mbi PD-në, që të kandidonte Basha. Pasi nëse Berisha nxirrte një kandidat tjetër, në garë do të përfshihej edhe ajo nën siglën e LSI.
“Ia kam hapur rrugën edhe Edi Ramës edhe Lulzim Bashës për kryetar bashkie të Tiranës në 2011. Se donin të tjerë nga PD në atë kohë të kandidonin dhe thamë atëherë po vejmë Monika Kryemadhin përballë Lulzim Bashës që të kandidojë. Dhe ka insistuar edhe Ilir Meta, edhe LSI-ja, që të kandidonte patjetër Basha. Se pa LSI-në nuk dilte Lulzim Basha kryetar bashkie. Edhe kur është bërë Edi Rama kryebashkiak, në vitin 2000, Ilir Meta e ka propozuar sepse Fatos Nano nuk e pranonte. Dëmi që Lulzim Basha dhe grupi i shtojzovalleve të veta që ndriçojnë vetëm një pjesë të errët të pyllit ku jeton ai, e dëmtuan LSI-në”, u shpreh ajo.
Discussion about this post