Që pas disfatës që pësoi në zgjedhjet e 25 Prillit duke e çuar LSI-në në 3 deputetë, kryetarja Monika Kryemadhi ka përdor aferën e inceneratorëve për t’u justifikuar se partia e saj është akoma faktor kryesor në politikë. Nuk kanë qenë të pakta daljet e saja publike ku ka denoncuar zyrtarë dhe nënpunës të qeverisë që kanë lidhje me këtë aferë.
Edhe ditën e sotme, Kryemadhi ka qenë në studion e emisionit “Opinion” për të folur përsëri për inceneratorët, ku kësaj radhe nuk ka kursyer edhe bashkëpuntorët e Ilir Metës, duke i denoncuar se kanë blerë vota për Alqi Bllakon.
Ajo u shpreh se punonjësit e presidencës kanë marrë lejen e zakonshme dhe kanë dalë në terren për të shpërndarë para për të blerë vota.
“Edhe njerëz që ka punësuar Bllako në Presidencë dhe janë pjesë aktive e PS-së, dhe janë angazhuar në fushatë elektorale. Morën lejen e zakonshme në Presidencë dhe shkonin shpërndanin para, nënpunës të Presidencës shpërndanin para për të blerë vota për Alqi Bllakon” – tha Kryemadhi.
Discussion about this post