Kryeterja e LSI-së, Monika Kryemadhi, ka ngritur dyshime mbi deputeten Jorida Tabaku si dhe e ka kërcënuar atët. Ajo ka folur me një ton të ashpëra ndaj Tabakut gjatë një interviste televizive, pasi kjp e fundit ka bërë disa deklarata për LSI.
E ftuar në një emision televiziv, Kryemadhi është shprehur se Tabaku duhet të bëjë shumë kujdes kur përmend emrin e LSI-së apo të dikujt nga LSI-ja.
Ajo u shpreh se Tabaku duhet të jetë shumë korrekte se ndryshe do t’i hapë procesverbalin e komisionit.
“Dua t’i bëj diçka shumë të qartë, Tabaku duhet të jetë shumë e kujdesshme kur të përmend emrin e LSI-së. Se LSI-ja e ka bërë Tabakun nënkryetare bashkie, dhe që bashke me Pëllumb Seferin emëronin të gjithë edukatorët e çerdheve dhe koptsheve në Tiranë. Të ketë kujdes kur të përmend emrin e LSI-së dhe këdo nga LSI-ja.
Shqipëria siç është fshat i madh është edhe fshat i vogël, të gjithë e njohim njëri-tjetrin. Ajo duhet të jetë shumë korrekte kur përmend emrin e LSI-së në Komisionin Hetimor. Duhet të jetë shumë korrekte, se po të dojë i hap procesverbalin e komisionit”, Deklaroi Kryemadhi. Ndërsa pritet një përgjigje e Tabakut për këto deklarata të forta.
Discussion about this post