Kryetarja e LSI-se, Monika Kryemadhi, ka dalë këtë mëngjes me një deklaratë të fortë, duke i përcjellë një mesazh kryeministrit Edi Rama. Përmes një postimi në rrjetin social Facebook, Monika Kryemadhi i kërkon Edi Ramës ‘të mbyllë gojën’ dhe ta lërë SPAKU-un të flasë në lidhje me aferën e inceneratorëve. “E bëre qeverisjen siç deshe vetë, tani të paktën mos fol. Mbyll gojën e lër SPAK-un të shprehet!”, shkruan Kryemadhi.
Ish-Ministri i Mjedisit, Lefter Koka u arrestua pak ditë më parë me urdhër te SPAK sa i takon një denoncimi të PD dhe LSI për aferën e Inceneratorëve. Koka akuzohet për veprat penale “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
Discussion about this post