Deputetja e Partisë së Lirisë Monika Kryemadhi në një konferencë për mediat me gazetarët ka denoncuar sërish aferën e inceneratorëve.
Sipas Kryemadhi koncesionari paguhet nga shteti, por nuk monitorohet dhe nuk ka asnjë përmbushje detyrimi. Kryemadhi tha se bashkia e Tiranës ka lejuar ndërtim pa leje në 15 ha duke kryer edhe dëm mjedisor, ndërsa në këtë sipërfaqe janë depozituar dhera nga kompanitë e ndërtimit.
‘Monitorimi nga Autoriteti Kontraktues dhe Bashkia Tiranë nuk funksionon. Njësia e Zbatimit të Projektit nuk është formuar. Kontrata e Koncesionit të Inceneratorit të Tiranës funksionon vetëm për të paguar koncesionarin ndërkohë, që nuk ka asnjë përmbushje detyrimi nga koncesionari.
Qeveria nuk ka ndaluar pagesat, ndërsa ka qenë në dijeni për mosfunksionimin e NJZP nga raporti i Supervizorit të punimeve. Erion Veliaj ka zgjedhur të mos çojë përfaqësuesit e Bashkisë Tiranë në NJZP, ndërkohë ka vijuar pagesat për shërbimin e faturuar me 29 Euro/Ton. Shërbim ky që nuk mund të ofrohej, pasi, vetë NJZP e ka konstatuar se projekti nuk është realizuar.
Këtë gjë mund ta kishin bërë shumë mirë dhe SPAK, Komisioni Hetimor Parlamentar, Kontrolli I Lartë I Shtetit, media, apo cdo institucion i brendsëhm apo i huaj, qeveritar apo organizatë jo fitimprurëse, që ka objekt të veprimtarisë ka luftën kundër korrupsionit dhe transparencën.
15 Hektarë është harta e depozitimeve jashtë territorit të landifillit; pra inceneratori ka marrë aq shumë pagesa nga kompanitë e ndërtimit, sa vetëm me depozitimet jashtë kufirit kanë mbushur një sipërfaqe me 15 Hektarë. Edhe liqenet janë bërë tokë.’- tha Kryemadhi.
Ajo shprehet se ka marrë kërcënime, por thekson se është e vendosur për t’i shkuar deri në fund kësaj çështjeje.
Edhe kapja e parlamentit, ashtu si kapja e gjithë shtetit nga qeveria, nuk do të më ndalonte mua si Monikë personalisht nuk do të më ndalonte në zbardhjen e kësaj afere korruptive, të plotë, duke marrë parasysh edhe çdo pasojë që mund të vinte për mua, familjen time reale dhe atë politike, nga qeveria dhe mafia e lidhur me të. Kërcënimet qoftë personale reale, qoftë të familjes politike, smë kanë ndaluar për të ccuar para këtë gjë. Kam bërë 3 kallëzime penale për inceneratorin e Tiranës. Sot do të vijë te një skandal i ri, se si shkelet ligji akoma dhe të gjitë janë të verbër për ta fshehur këtë gjë”, tha ajo.
Kryemadhi tha se kallëzimin në SPAK do ta bëjnë nëpërmjet postës, ditën e sotme.
Discussion about this post