Deputetja e Partisë së Lirisë, Monika Kryemadhi është përplasur në Kuvend me ministren e Financave dhe Ekonomisë, Delina Ibrahimaj, të cilës i ka kërkuar shpjegime për lidhjet që ka bashkëshorti i saj me Sekretarin e Përgjithshëm të Ministrisë, Arlind Gjokutaj, tashmë i arrestuar.
Kryemadhi e pyeti gjithashtu Ibrahimajn nëse është pranuar dorëheqja e saj nga kryeministri Rama.
Kryemadhi: Një pyetje për zonjën ministre; Cila është lidhja e bashkëshortit tuaj me kompaninë e përmbarimit dhe me Sekretarin e Përgjithshëm të Ministrisë së Financav dhe dorëheqja juaj a u pranua kur ndodhi ky fakt?
Delina Ibrahimaj: Kjo është një pyetje totalisht jashtë rendit të ditës. Unë jam shprehur disa herë për cështjen kur them që ne nuk marrin përsipër të bëhemi as hetues e as gjyqtar e prokurorë, për cështje që janë në hetim.
Nuk marr përsipër të zgjidh asnjë nga hallet tuaja pasi të shprehet gjykata e prokuroria atëherë do shprehemi dhe ne për këtë çështje.
Kujtojmë që pak ditë më parë, prokuroria kërkoi masën “arrest me burg” , si të dyshuar për shpërdorim të detyrave, ndaj Sekretarit të Përgjithshëm të Ministrisë së Dinancave, Arlind Gjokutaj, drejtorit të çështjeve ligjore Fatmir Hoxhaj si dhe përmbaruesit privat Alban Ruli. Prokuroria theksoi në një njoftim për mediat se këta persona i kanë kryer shkeljet ligjore pasi kanë pranuar shpërblimin prej 82 milionë lekëve (rreth 750 mijë dollarë) prej shtetasit Ilir Thana.
Discussion about this post