Pas vendimit të dhënë nga GJKKO, Monika Kryemadhi ka folur për mediat duke deklaruar se Ilir Meta nuk ka lidhje me akuzat dhe personat, pasi më këta të fundit sipas saj e ka prezantuar ajo.
Ajo u shpreh se në drekë ishte shumë e revoltuar, dhe me një ton më të zbutur tha se çështjet e Metës dhe të saj nuk duhej të ishin bashkuar në një dosje, pasi sipas saj ata janë në një konflikt bashkë, dhe se të vendosur përballë njëri-tjetrit në sallën e gjyqit, sipas saj është një provokim.
Në deklaratën e saj, Kryemadhi mori përsipër përgjegjësitë penale. Unë kam qenë ndërmjetësuese që e kam prezantuar me filanin me filanin, nuk ka lidhje Ilir Meta. Megjithatë, se ndoshta në drekë ishim të revoltuar, kjo çështje duhej të ishte ndarë. Prokuroria ishte shumë provokative, të më pozicionosh në një sallë kur jemi në një konflikt të hapur, është absolutisht për të na provokuar dhe për bërë show.
Kjo e fundit u shpreh se avokati Genc Gjokutaj duhet të kishte kërkuar masë sigurie detyrim paraqitje për Ilir Metën dhe arrest në burg për vetë deputeten.
“Avokati Gjokuaj duhej të kërkonte arrest me burg për mua, dhe detyrim paraqitje për Ilir Metën”, theksoi Kryemadhi.
Lidhur me aktivitetin politik, Kryemadhi u shpreh: “Karriera politike nuk është e dosmosdoshme, e kam parë si instrument për të ndihmuar njerëzit, është mjet i rëndë për t’u mbajtur, metodologjia që është përdorur kundër familjes sime është e shëmtuar. Uroj që kjo gjë të mos jetë për të tjerët, sot në politikë ke kushërinj të bandave kriminale. Është shumë e thjeshtë, mund të mbyllësh karrierën politikë, por mund të hapësh një tjetër që është shumë e mirë dhe që e transformon politikën. Nuk mund të lejoj një sistem drejtësie të më bëjë pis mua. Do shkoj edhe në Strasburg, kur t’i vijë koha, jo kur të vdes unë. I kam edhe tre trashëgimtarë.
Monika Kryemadhi përsëriti edhe njëherë deklaratat e saj se akuzat e ngritura ndaj Ilir Metës nuk kanë asnjë lidhje.
Për të, nuk është gjetur asnjë provë e re në çështjen CEZ-DIA dhe për këtë arsye Meta është bashkuar nga SPAK me akuzat që janë ngritur ndaj saj.
Kryemadhi ironizoi dhe një deklaratë që sipas saj prokurorët e SPAK bënë, sikur ajo ka bashkëpunuar me Ilir Metën për pagimin e një operacioni.
“Drejtësi e kastruar. E vështirë është që gjyqtarët të dalin kundër vendimit të prokurorisë. Për zotin Meta nuk mund të flas unë. Qëndrimi im është që për çdo gjë që akuzohet Ilir Meta nuk ka asnjë lidhje. Nuk kanë pasur asgjë për CEZ-DIA dhe e kanë bashkuar me akuzat e mia. Meta nuk më erdhi as në spital kur u operova se do merrej me reformën në drejtësi. Nuk është problem që Ilir Meta është i rrezikshëm, por kështu e kanë ndarë mendjen. Mua më thanë sekret hetimor, ndërsa ju e kishit përpara meje. Më thanë që kam paguar 6 mijë euro me kartë dhe 5 mijë euro cash për operimin në bashkëpunim me Ilir Metën.”, tha Kryemadhi.
gijotina.com/
Discussion about this post