Kryetarja e LSI-së, Monika Kryemadhi ka publikuar në profilin e saj në Facebook një foto që tregon se në vendin ku duhet të ishte ngritur inceneratori i Tiranës, është ndërtuar një serë. Teksa ironizon mungesën e inceneratorët, Kryemadhi shprehet se pronarët e inceneratorëve janë arratisur në Vjenë me shpresë se do t’i shpëtojnë drejtësisë.
Ndërkohë në përgjigje të deklaratave të bëra sot nga kryeministri për evazionin fiskal, kryetarja e LSI i kërkon kryeministrit të merret thotë me evazionin fiskal të inceneratorit të Tiranës ku skandali arrin në 9 milion dollarë.
“Me këtë foto të serave mbi inceneratorin e Tiranës, financuar nga fondet e BE, po përshëndes grupin e Vjenës dhe pronarët e inceneratorëve, që po rrojnë me shpresën se do t’i shpëtojnë drejtësisë, duke fituar azil në Vjenë të Austrisë. Tik-Tak, ora po afron. P.S: Kryeministri që ulëret për evazionin fiskal, le të merret me evazionin fiskal të inceneratorit të Tiranës, ku firma me dy punonjës kanë faturuar tek firmat e skemës së koncesionit korrupitv vlera deri në 9 milion dollarë. Të shohi KM krimin shtetëror të kolegëve dhe miqve të tij, pastaj të merret me rrogat minimale të qytetarëve shqiptarëve”, shkruan Kryemadhi.
Discussion about this post