E ftuar në emisionin “Çim Peka Live”, kryetarja e LSI-së, Monika Kryemadhi, ka reaguar në lidhur me akuzat e ngritura nga një media austriake. ‘Kronen Zeitung’ shkruante se Presidenti Ilir Meta dhe bashkëshortja e tij, Monika Kryemadhi, kishin paguar 700 mijë dollarë për të marrë pjesë në inaugurimin e presidentit Donald Trump, në janar 2017. Kyermadhi u shpreh se artikulli është i rremë dhe produkt i sponsorizuar nga grupi i inceneratorëve, Stela Gugallja dhe Mirel Mërtiri, të cilët sipas saj jetojnë në Vjenë.
“Është një fletushkë. Që nuk merr përsipër as të vendosë emrin e artikullshkruesit. Grupi i Vjenës, ku Stela Gugallja, Mirel Mërtiri, grupi i inceneratorëve që jetojnë në Vjenë, paguajnë para të shtrenjta për qiratë. Të subencionuara dhe të nxitura nga zyra e kryeministrit Edi Rama. Në grahmat e fundit të një sulmi që mund të ndodhë së shpejti sepse dosja e inceneratorëve po pasurohet” – u shpreh Kryemadhi.
Stela Gugallja është shpallur në kërkim nga SPAK për aferën e inceneratorëve, bashkë me Klodian Zoto. Gugallja është bashkëjetuesja e biznesmenit Mirel Mërtiri.
Discussion about this post