Kryetarja e Partisë Socialiste për Integrim, Monika Kryemadhi ka zgjedhur të mbajë mandatin e fituar në Qarkun Fier, duke lënë mandatin në Tiranë.
Vendimi i Kryemadhit për marrjen e mandatit në Fier, ‘djeg’ automatikisht Kejdi Mehmetajn, duke i lënë karrigen në Kuvend Petrit Vasilit. Nëse Kryemadhi do zgjidhte të mandatin nga kandidimi në Tiranë, Vasili mbetej jashtë. Vendimi është bërë i ditur nga shkresa e depozituar e Kryemadhit për KQZ-në.
Në zgjedhjet e 25 prillit, LSI arriti të merrte vetëm katër mandate. Kjo parti fitoi dy mandate në Tiranë, që i takon Erisa Xhixhos dhe vetë Kryemadhit, ndërsa i treti ishte Petrit Vasili, i cili tashmë merr mandatin për shkak të lëvizjes së Kryemadhit. Edhe në Fier, Kryemadhi ishte në krye të listës e ndjekur nga Kejdi Mehmetaj dhe vendosi të ‘djegë’ mandatin e kësaj të fundit.
