Kryeministri britanik Boris Johnson ka folur me presidentin ukrainas Volodymyr Zelensky për “situatën e rëndë shqetësuese” në termocentralin bërthamor të Zaporizhzhia, tha ai në një postim në Twitter të premten.
“Rusia duhet të ndërpresë menjëherë sulmin e saj ndaj termocentralit dhe të lejojë akses të papenguar për shërbimet e urgjencës në termocentral”, tha Johnson.
Zyra e Johnson lëshoi një deklaratë pas thirrjes së dy liderëve, duke thënë se Mbretëria e Bashkuar “do të bënte gjithçka që mundej për të siguruar që situata të mos përkeqësohej më tej”.
“Veprimet e pamatur të Presidentit Putin tani mund të kërcënojnë drejtpërdrejt sigurinë e të gjithë Evropës”, shtohet në deklaratë.
Mbledhja urgjente e OKB-së: Deklarata shtoi se Johnson do të kërkojë një takim urgjent të Këshillit të Sigurimit të Kombeve të Bashkuara në orët e ardhshme, ku Britania e Madhe planifikon të ngrejë këtë çështje me Rusinë dhe partnerët e saj.
I’ve just spoken to President @ZelenskyyUa about the gravely concerning situation at Zaporizhzhia nuclear power station.
Russia must immediately cease its attack on the power station and allow unfettered access for emergency services to the plant.
— Boris Johnson (@BorisJohnson) March 4, 2022
Discussion about this post