Emigrimi masiv i jashtëligjshëm i shqiptarëve drejt Britanisë po trumbetohet prej kohësh tashmë si një problemin nga autoritetet britanike. Çështja u prek edhe këtë të Enjte gjatë një telefonate mes kryeministrave të dy vendeve.
Kjo konfirmohet nga zyra e shtypit pranë qeverisë britanike. Në një njoftim zyrtar, bëhet me dije se Kryeministri britanik Rishi Sunak ka folur pasditen e sotme me kryeministrin shqiptar Edi Rama.
“Udhëheqësit mirëpritën partneritetin e gjatë të ngushtë midis MB dhe Shqipërisë dhe u angazhuan për forcimin e bashkëpunimit në tregti, investime dhe mbrojtje, duke përfshirë sigurinë kibernetike. Kryeministri vlerësoi kontributin pozitiv të komunitetit shqiptar për jetën në Mbretërinë e Bashkuar, por të dy liderët ranë dakord se duhet bërë më shumë për të trajtuar migracionin ilegal dhe për të luftuar së bashku krimin e organizuar”, thuhet më tej në njoftim.
Ata diskutuan planet për të rritur bashkëpunimin për të adresuar sfidat e përbashkëta, duke përfshirë mbylljen e hapësirave që po parandalojnë kthimin e shpejtë të atyre që iu refuzohet azili, vijon njoftimi.
Kryeministri britanik dhe homologu Rama u shprehën se presin me padurim të punonin së bashku për të trajtuar këto çështje dhe për të thelluar marrëdhënien MB-Shqipëri, mbyllet reagimi.
Discussion about this post