Ish-presidenti Ilir Meta, tashmë zyrtarisht kryetar i Partisë së Lirisë foli sot për krizën e energjisë elektrike. Sipas tij, kryeministri Edi Rama ka dështuar, duke numëruar sipas tij, ato që nuk janë bërë për këtë fushë.
Meta akuzoi kreun e qeverisë se po punon për ti ngulur thikën në kurriz qytetarëve dhe se dhe se rritja e çmimit të energjisë do të prekë konsumatorët.
“Sot gazifikimi i Shqipërisë në pikën zero me këtë kryeministër.
Dështim të plotë përbën mungesa e mbështetjes për instalimet e teknologjisë për prodhimin e energjisë nga burimet e diellit dhe të erës.
Dështim i plotë është modeli financiar i sistemit të energjisë elektrike si dhe administrimi i tij. Vlera e pa arkëtuar është mbi 600 mln euro. Dështim i plotë është mosoperimi dhe sot e kësaj dite i bursës shqiptare të energjisë elektrike.
Ajo duhet të ishte funksionale që në 2019. Dështim dhe vonesa mbi 5 vite në projektet e rëndësishme të sistemit të transmetimit.
Dështim i rëndë me impakt të drejtpërdrejt te qytetari dhe mosreduktimi i humbjeve të shpërndarjes së energjisë elektrike.
Kryeministri i dështimeve në këto 10 vite sigurisht që nuk flet dot për to, por përpiqet të shpikë faktorë të tjerë dhe ndërkohë punon për t’ia ngulur thikën e gjithë kësaj krize që në themel ka dështimet e tij dhe korrupsionin e pamatë ta transferojë në kurriz të qytetarëve dhe duke mashtruar se nuk do prekë konsum familjarë. Jo, do i prekë seriozisht ata dhe biznesin dhe sipërmarrjet që do kenë riskun e falimentimit për shkak të rritjes së kostove të energjisë”, deklaroi Meta.
Discussion about this post