Kryeministri Edi Rama iu përgjigjet ndjekësve në Facebook në rubrikën “Sy m’sy”, duke bërë thirrje sërish që ata që nuk mbështesin PS të mos shkojnë të votojnë.
Kjo është edhe hera e parë në historinë e vendeve demokratike, që një kryeministër t’i drejtohet popullit të tij me thirrjen: Mos dilni nga shtëpia për të votuar, nëse nuk jeni me mua.
Një ndjekës, i cili i kërkoi që të largohet me nder dhe t’i lërë vendin të rinjve Rama iu përgjigj kështu: “Këtë e vendos populli që nuk ka mendjen tënde. Është një gjykatës shumë i madh, suprem sovran. Dakord.”
“Edhe ty të bëj thirrje që të mos votosh, meqë e ke mendjen në kënetë dhe meqë nuk ke asnjë lloj tundimi se mbase voton për mua dhe për PS, mos voto fare. Mos u hidh në kënetë, sepse është diçka që nuk është higjienike nga pikëpamje politike. Këtë thirrje të bëj unë. Pastaj këto të tjerat ja lëmë kohësh”, tha Rama.
Discussion about this post