“Pandemia nuk ka mbaruar, ajo ende duhet të trajtohet me vendosmëri, vëmendje dhe vigjilencë”. Kështu u shpreh sot kryeministri italian Mario Draghi gjatë një konferencë shtypi pas Këshillit të BE.
Draghi shtoi më tej se duhet vazhdojnë me vaksinimet dhe theksoi se vaksinat ruse dhe kineze nuk duken efikase. Madje tha se Sputnik-V mund të mos marrë kurrë miratimin nga EMA.
“Ne duhet të vazhdojmë me vaksinimet, vaksinat Sputnik dhe ajo kineze nuk duket të jenë efikase”, tha Draghi, duke shpresuar për një reformë të EMA.
“Sputnik nuk arriti të merrte miratimin e EMA dhe mbase nuk do ta marrë kurrë. Vaksina kineze nuk është e përshtatshme për t’u marrë me pandeminë”
