Kryeministri i Kanadasë, Justin Trudeau, të premten e mori dozën e parë të vaksinës së AstraZeneca-s për Covid-19 në një barnatore në Otavë, duke thënë para gazetarëve se ndihet shumë i ngazëllyer.
Pasi e mori vaksinën, ai pozoi para kamerave dhe aparateve fotografike me ngritje të gishtit të madh të dorës dhe e shikoi bashkëshorten duke e marrë edhe ajo të njëjtën vaksinë.
Bashëshortja e tij, Sophie, u prek nga koronavirusi në fillim të pandemisë vitin e kaluar, por e kaloi lehtë, shkruan Reuters, transmeton Gazeta Express.
Gjatë vaksinimit, Trudeaus në krah, pikërisht në vendin e vaksinimit, iu pa një tatuazh që ndoshta nuk kemi pasur rastin t’ia shohim më parë. Figura me ngjyrë kryesisht të zezë, e kombinuar me të kaltër, duket si shqiponjë ose ndonjë lloj tjetr zogu.
Ndryshe, Kanadaja deri më tani ka regjistruar mbi 1.1 milion persona të infektuar me koronavirus dhe afro 24 mijë viktima.
