Kryeministri i Shqipërisë Edi Rama është takuar me presidentin turk Erdogan në Nju Jork gjatë punimeve të Asamblesë së 76 -të Përgjithshme të OKB-së.
Në takim Rama-Erdogan kanë diskutuar për marrëdhëniet dypalëshe dhe rritjen e bashkëpunimit.
Gjatë qëndrimit në Nju Jork, ku do të mbajë fjalën në Asamblenë e OKB-së, kreu i qeverisë shqiptare ka zhvilluar takime edhe me liderë të tjerë.
“Presidenti Rexhep Tajip Erdogan u takua me kryeministrin shqiptar Edi Rama në Nju Jork, ku ai ndodhet për Asamblenë e 76 -të të Përgjithshme të Kombeve të Bashkuara (OKB)”, thuhet në njoftimin ku është publikuar dhe fotoja e takimit mes Ramës e Erdogan.
Rikujtojmë se kryeministri Edi Rama dhe presidenti turk Erdogan njihen për miqësinë e mirë që kanë midis tyre dhe këtë e ka treguar me takimet e shpeshta që ata kanë kryer së bashku.
