Kryeministri spanjoll Pedro Sánchez ka premtuar heqjen e prostitucionit në vend, duke theksuar se lejimi i tij “skllavëron” gratë.
Gjatë një kongresi tre ditor të partisë së tij në Valencia, Sánchez u zotua të ecë përpara me një premtim për të nxjerrë jashtë ligjit prostitucionin. Ky vendim i kryeministrit spanjoll ishte pjesë e manifestit zgjedhor të partisë së tij të majtë në vitin 2019. Manifesti u quajt në atë kohë prostitucioni, “një nga aspektet më mizore të feminizmit të varfërisë dhe një nga format më të këqija të dhunës ndaj grave”.
Prostitucioni ka lulëzuar në Spanjë që kur praktika u dekriminalizua në vitin 1995. Një raport i Kombeve të Bashkuara, i vitit 2011, citoi Spanjën si kryeqytetin e tretë më të madh të prostitucionit në botë, pas Tajlandës dhe Porto Rikos. Vlerësimet e fundit tregojnë se të ardhurat nga tregtia e brendshme seksuale e Spanjës shkojnë në 26.5 miliardë dollarë në vit, me rreth 300,000 njerëz që punojnë në industri.
