Është mbajtur sot takimi mes kryeministrit të Malit të Zi Dritan Abazoviç dhe kryeministrit të Spanjës Pedro Sanchez. Detajet e takimit janë publikuar në llogarinë e kryeministrit në Telegram.
Sipas Vijesti, Abazoviç mirëpriti Sanchez në Villa Gorica dhe pamjet e pritjes janë publikuar në faqen zyrtare të Abazoviçit në Facebook. U zhvillua edhe një takim dypalësh i anëtarëve të dy delegacioneve.
Në delegacionin malazez përveç kryeministrit Abazoviç janë edhe zëvendëskryeministrja Jovana Maroviç dhe ministri i Zhvillimit Ekonomik dhe Turizmit Goran Gjuroviç.
Sot, Sanchez ndodhet për një vizitë pune në Mal të Zi, ku do të bisedojë me zyrtarët më të lartë shtetërorë. Siç ishte paralajmëruar edhe më herët nga Qeveria, takimi i Abazoviçit me Sançez do të pasohet nga takimi i delegacioneve të Malit të Zi dhe Spanjës.
“Sançez, së bashku me kryeministrin Abazoviq, do të mirëpriten nga zëvendëskryeministrja Jovana Maroviq dhe ministri i Zhvillimit Ekonomik dhe Turizmit Goran Gjuroviç”, njoftoi kabineti i Abazoviçit.
Discussion about this post