Vjen reagimi i Tedi Blushit pas deklaratave të Ramës për Dovranin dhe sulmet ndaj Metës. Kryeministri gjatë fjalës së tij në Asamble mori në mbrotje Dovranin, duke thënë se SPAK duhej më parë të merret me personazhe të tjerë më të rrezikshëm. Në këto emra ai tha edhe presidentin Ilir Meta, duke e akuzuar se fsheh shkeljet e veta dhe lobonte kundër Dovranit. Nuk ka vonuar shumë dhe menjëherë ka ardhur reagimi i Presidencës. Në një postim në Facebook Blushi thotë se , Dovrani merrte porosi nga Rama për të mbajtur peng ngritjen e Gjykatës Kushtuese.
Sipas Blushit, Dovrani mori atë që mëritonte për shkak se është i korruptuar i shërben narkoshtetit dhe tentoi të fshihte pasurinë. “Dvorani pengoi me çdo mjet, qëllimisht dhe për llogari vetëm të Ramës, ngritjen e Gjykatës Kushtetuese, duke falsifikuar, manipuluar e shkelur Kushtetutën dhe ligjet e drejtësisë, vetëm e vetëm për të siguruar pandëshkueshmërinë e Ramës. Dvorani u provua zyrtarisht se fshehu pasurinë. Por Vettingu i partisë në mënyrë skandaloze dhe të paligjshme mbylli sytë për këtë fshehje të pasurisë dhe ky është fakt që nuk mbulohet dot kurrë. Shkeljet e Kushtetutës dhe ligjit për Dvoranin e partisë-shtet i vërtetoi botërisht edhe Komisioni i Venecias. Nëse do të ekzistonte vërtet Reforma në Drejtësi, Dvorani do të duhej të ishte i pari përpara drejtësisë për të marrë dënimin e merituar”, shprehet Blushi.
Në reagimin e tij, këshilltari i Presidentit Meta thotë se, të gjithë shqiptarët duan të dinë çfarë e detyron Ramën, Kampionin e Korrupsionit që e ktheu Shqipërinë një narkoshtet dhe të dytin në botë për korrupsionin, që të kthehet në Avokatin e Dvoranit. “Është e qartë, se mbrojtja që i jepet Dvoranit në publik nga partia, është thirrja publike për organet e drejtësisë që të mos shkelin vijën e partisë në zbatimin e drejtësisë me regji, se përndryshe do kenë pasoja. Rama-Dvorani dhe Dvorani-Rama binomi i pandarë i antishtetit, dhunimit të Kushtetutës dhe ligjit, falsifikimit të dokumentave zyrtarë dhe kapjes së shtetit për llogari të partisë. Koha e “opozitarizmit” të tredhur nga korrupsioni qeveritar po skadon me shpejtësi“, thuhet ne reagimin e Tedi Blushit.
Discussion about this post