Edi Rama në një konferencë të përbashkët me kryeministren finlandeze Sanna Marin, e cila vizitoi sot Tiranën u shpreh se Shqipëria mbështet anëtarësimin e Finlandës dhe Suedisë në NATO.
“Në çdo aspekt, këto 2 vende janë një vlerë e shtuar e NATO. Në ditët e sotme dyert e NATO duhet të jenë të hapur për hyrjen e Finlandës dhe Suedisë. Ne ndihemi të privilegjuar që na jepet mundësia të bëjmë një gjë për Finlandën dhe nuk është pak. Kam dëshirën t;i uroj kryeministres çdo të mirë, kur erdhi më tha është koha shumë e bukur. Shpresoj që vizita dhe se e shkurtër di jetë e mjaftueshme të mendohet të vijë përsëri me vajzën e vogël dhe bashkëvuajtësin”, u shpreh Rama.
Sakaq kryeministri u shpreh se në këshillin e ardhshëm nuk pret ndonjë gjë të re lidhur me anëtarësimin e Shqipërisë në BE.
“Në këtë kontekst Ballkani është një hallkë delikate dhe për këtë arsye eksperienca dhe fjala e Finalndës ka shumë rëndësi. Ne folëm me kryeministren për atë që vjen në ditët e ardhshme lidhur me çeljen zyrtaren për bisedimet përmes konferencave ndërqeveritare. Unë i thashë kryeministres se nuk pres asgjë të re në atë këshill, megjithëse shumë shtete po përpiqen me Bullgarinë për ta çliruar këtë proces dhe për këtë jam falënderues. Ne mbështesim anëtarësimin e Finlandës dhe Suedisë në Nato, janë një vlerë e shtuar e aleancës së NATO-s për më tepër në kushtet e sotme ku dyer janë të hapur të futen. Madje ne jemi të privilegjuar që të bëjmë diçka për Finlandën dhe kjo nuk është pak”, shprehet Rama.
Discussion about this post