Kryeministrja finlandeze në Shqipëri, pritet me ceremoni zyrtare nga Rama

Ka mbërritur në Shqipëri kryeministrja e Finlandës, Sanna Marin. Ajo është pritur me një ceremoni shtetërore nga Edi Rama përpara Kryeministrisë.

Një ditë më parë, Sanna Marin ishte në Shkup në një vizitë një ditore ku u takua me kryeministrin e Maqedonisë së Veriut, Dimitar Kovaçevski.

Një ditë më parë kryeministri Edi Rama ishte me kabinetin e tij qeveritar në Kosovë për shkak të mbledhjes së përbashkët me qeverinë e Albin Kurtit ku u firmosën 19 marrëveshje bashkëpunimi mes dy vendeve.