Policia e Shkodrës ka arrestuar katër persona për vepra penale që kanë të bëjnë me dëmtimin e mjedisit.
Specialistët për Hetimin e Krimeve në Komisariatin e Policisë Shkodër, ndaluan për veprat penale “shkatërrim i pronës me mjete të tjera” dhe “ndërtimi i paligjshëm”, personat Xh.B, 36 vjeç, F.B, 47 vjeç, të dy banues në Shkodër, si dhe SH.B., 44 vjeç, banues në Fushë-Krujë, pasi në Shirokë kanë dëmtuar pronën shtetërore, duke kryer gërmime pa leje nga institucionet kompetente.
Policia gjithashtu ka arrestuar personin me iniciale S. B., 44 vjeç, banues në lagjen Shirokë, Bashkia Shkodër, pasi ka kryer gërmime dhe hedhje inertesh në Shirokë pranë lokalit në pronësi të tij, duke cenuar pronën shtetërore.
Materialet procedurale i kaluan Prokurorisë Pranë Gjykatës së Shkallës së Parë Shkodër për veprime të mëtejshme.
