Policia e Shkodrës ka ndaluar 5 kamionë të cilët transportonin rreth 40 metër kub lëndë drusore, e cila është prerë në mënyrë të paligjshme.
Këta persona janë ndaluar në fshatin Hot të Malësisë së Madhe, duke transportuar me kamionët e tyre lëndën drusore. Ndër të tjera janë proceduar penalisht 8 personat të cilët kanë qenë në kamion. Gjithashtu dhe Ded Preçaj me detyrën teknik pyjesh në bashkinë e Shkodrës është proceduar penalisht. Ai dyshohet se nuk ka marrë masat e nevojshme për parandalimin e kësaj veprimtarie, në zonën ku është konstatuar prerja dhe grumbullimi i lëndëve drusore.
Mbi 8 të proceduarit rëndojnë veprat penale “Prerja e paligjshme e pyjeve”, “Fshehja e të ardhurave“ dhe “Ushtrimi i aktivitetit tregtar pa licencë“. Për sa i përket Ded Preçajt ai akuzohet për shpërdorim detyre.
Discussion about this post