Prokurori i Përgjithshëm, Olsian Çela, raportoi këtë të hënë në Komisionin e Ligjeve mbi veprimtarinë e Prokurorisë për vitin 2025, duke paraqitur të dhëna që tregojnë një rritje të numrit të procedimeve penale dhe të koeficientit të kriminalitetit në vend.
Sipas Çelës, gjatë vitit 2025 prokuroritë e juridiksionit të përgjithshëm kanë trajtuar mbi 66 mijë materiale në shqyrtim, ose 8.55% më shumë krahasuar me një vit më parë.
Sipas raportit, Prokuroria e Tiranës ka përqendrimin më të madh të procedimeve, me 36.62% të totalit, e ndjekur nga Durrësi me 9.5%. Korça, Shkodra dhe Fieri përfaqësojnë secila rreth 7% të procedimeve, ndërsa numri më i ulët është regjistruar në Kukës dhe Dibër, me rreth 2%.
Prokurori i Përgjithshëm bëri të ditur gjithashtu se koeficienti i kriminalitetit, i llogaritur mbi bazën e procedimeve të regjistruara për 100 mijë banorë, ka shënuar rritje. Në vitin 2025 ky tregues arriti në 1145, krahasuar me 1037 në vitin 2024.
Sa i përket natyrës së veprave penale, 76% e procedimeve lidhen me krime, ndërsa 24% me kundërvajtje penale. Kategoria me numrin më të lartë të procedimeve mbetet ajo e veprave kundër rendit dhe sigurisë publike, që përbën 33% të totalit dhe ka shënuar një rritje prej 13% krahasuar me vitin paraardhës.
Vjedhjet e pasurisë përbëjnë 21% të procedimeve të regjistruara, megjithëse kanë pësuar një ulje prej 2%. Ndërkohë, veprat penale kundër familjes përfaqësojnë 7% të totalit, me një rritje prej 2%.
Rritjen më të ndjeshme e kanë shënuar veprat penale që cenojnë regjimin juridik të tokës, të cilat përbëjnë 8% të procedimeve dhe janë shtuar me 51% krahasuar me vitin 2024. Ndërsa veprat kundër shkatërrimit të pronës dhe ato kundër shëndetit përbëjnë secila nga 3% të procedimeve të regjistruara.
“U ndoqën gjithsej mbi 50 mijë procedime që përbën një rritje prej 5.35% në krahasim me 24. Mbi 27 mijë prej tyre janë procedime penale të regjistruara, 8.5% krahasim me 2024. Pati dhe mbi 22 mijë procedime të mbartura, dhe 184 janë procedime të rifilluara.
Numrin më të madh të procedimeve e ka pasur prokuroria e Tiranes me 36.62% ndjekur nga Durrësi me 9.5%, Korça, Shkodra dhe Fieri me 7% dhe më pak procedime rezultojnë Kukësi dhe Dibra me rreth 2% të totalit. Sa i përket koeficientit të kriminalitetit lidhur me procedimet e regjistruara për 100,000 banorë , në 2025 ky koeficient ishte 1145 ndërsa në 2024 ishte 1037. Raporti mes krimeve dhe kundërvajtjeve kriminale rezulton se 76% janë krime dhe 24% i përkasin kundërvajtjeve.
Veprat penale me numrin më të lartë të procedimeve, janë ato kundër rendit dhe sigurisë publike me 33% rritur 13% krahasuar me 2024. Vjedhja e pasurisë përbën 21% të numnrit të procedimeve të regjistrimeve me ulje 2%, veprat penale kundër familjes përbëjnë 7% me rritje prej 2%. Veprat penale që cënojnë regjimin juridik të tokës janë 8% dhe kanë pësuar një rritje prej 51 përqind. Veprat penale kundër shkatërrimit të pronës përbëjnë 3% ato kundër shëndetit 3%.”, tha Çela.
Discussion about this post