Klaudia Marku, kryesekretarja e Gjykatës në Lezhë nuk ka dëshmuar të vërtetën në polici për zhdukjen e saj nga banesa.
Hetimet kanë ngritur një pistë hetimi atë të pengmarrjes. 34- vjeçarja dyshohet se u rrëmbye po për të mos treguar të vërtetën ajo dhe bashkëshorti i saj Oltion Leka kanë inskenuar sherrin, për largimin e saj nga banesa.
Mësohet se policia e ka gjetur Markun duke ecur rrugëve të qytetit dhe jo në hotel, siç edhe vetë ajo ka deklaruara para bluve.
Dyshohet se Marku është rrëmbyer nga persona që kanë lidhje me dosjet e pronësisë në Lezhë dhe se burrë e grua janë kërcënuar e janë detyruar që të inskenojnë sherrin e historinë e largimit të 34-vjeçares nga shtëpia pas debateve. Klaudia Marku rezulton të jetë larguar tre ditë më parë nga banesa, por bashkëshorti i saj ka pritur dy ditë në heshtje.
Marku tha se kishte qëndruar në hotel pas debateve me të shoqin e se me familjen kishte komunikuar përmes telefonit të një punonjësi të hotelit.
Discussion about this post