Ka përfunduar në SPAK kryetari i Bashkisë së Krujës, Artur Bushi.
Ndaj Bushit, në SPAK janë regjistruar disa kallëzime për shpërdorim detyre dhe shkelje të barazisë së tenderave.
Bushi është paraqitur si person që ka dijeni, për të dhënë sqarime rreth këtyre kallëzimeve. Artur Bushi është një emër i përfolur dhe i akuzuar shpesh nga opozita për të kaluarën e tij.
Vetëm një ditë më parë u arrestua me urdhër të SPAK kryetari i bashkisë së Bulqizës Lefter Alla si dhe disa zyrtarë të tjerë të kësaj bashkie, përfshirë nënkryetaren për abuzim me tenderin e rrjetit të ujësjellësit.
Po dje ish-kryebashkiaku i Durrësit Vangjush Dako ka dëshmuar për 3 orë në SPAK, por nuk dihet motivi. Ndërkohë që të tre zyrtarët dhe ish-zyrtarët kanë çështje të hapura në SPAK.
Discussion about this post