Kryetari i Kuvendit të Republikës së Kosovës, Glauk Konjufca, ka bërë homazhe te varrit i heroit Agron Rrahmani. Gazetarët duke përfituar nga rasti e kanë pyetur për aplikimin e Kosovës në Këshillin e Europës dhe tha se s’mund ta konfirmojë aplikimin për momentin.
“Nuk mund ta konfirmoj aplikimin e Kosovës në KE. Gjithçka do të ju informojmë me kohë kur kjo të jetë gati dhe të bëhet”, tha ai.
Përsa i përket asaj se a i ka siguruar Kosova votat e mjaftueshme për të qënë pjesë e Këshillit, ai tha se janë duke bërë gjithçka çka është e mundur.
“Kemi edhe një delegacion që është atje i cili është i përhershëm i Kosovës në kuadër të parlamentit i cili merr pjesë vazhdimisht në asamblenë e KE. Është bërë punë e madhe që së paku një vit, por puna ka qenë edhe e menjëhershme. Edhe vet kur kam qenë në opozitë kam qenë pjesë e delegacionit të Kosovës në Europë. Kemi punuar të gjithë së bashku pavarësisht partive politike. Ky është sukses i Kosovës jo i ndonjë partie në mënyrë të veçantë”.
Discussion about this post