Edhe pse kryebashkiaku i Lushnjës dhe 10 bashkëpunëtorë të tij, zyrtarë të bashkisë janë arrestuar nga SPAK, pasi ishin përfshirë në një aferë, bashkia Lushnjë vazhdon lojën e “pisët” me tenderët abuziv, duke pranuar ofertat më të larta dhe duke skualifikuar operatorët e tjerë konkurrues.
Një situatë e tillë ka ndodhur me një tender që ka nxjerr Bashkia Lushnjë në datën 16 gusht, për shërbimin e gjelbërimit në Bashkinë Lushnje, me fond limit 147 milion lekë. Në këtë tender kanë konkurruar tre kompani dhe fituese ka dal kompania e cila ka pasur edhe ofertën më të lartë të ofruar, “GREEN FARM”, duke rënë ndesh me ligjin e prokurimeve publike.
Kujtojmë se ish-kryebashkiaku Fatos Tushe dhe 10 bashkëpunëtorët e tij, janë arrestuar me kërkesë të SPAK, pasi ishin të përfshirë në një tender abuziv me vlerë prej 24 milion lekësh për rehabilitimin e një kanali ujitës. Në këtë hetim ka pasur përgjime dhe vëzhgime, kontrolle të financave dhe transaksione të zyrtarëve.
Tushe i ka kërkuar disa herë gjykatës lirimin nga burgu me pretendimin se është i sëmurë, por që kërkesa nuk i është marrë parasysh dhe është duke e vuajtur dënimin.
Gijotina.com
